同陽光玩遊戲!大阪旅行戶外活動篇

大阪 心齋橋 戶外活動 旅遊

大阪除咗飲食購物,仲有超好玩嘅戶外活動!已經去過大阪唔止一次嘅你,除咗行心齋橋商店街梅田之外,係時候玩得更全面!

第一站:收獲之丘 Harvest Hill

去位於大阪堺市嘅 Harvest Hill 探下淡定嘅水豚君啦!仲可以玩刺激滑草添!每年1月至5月有摘士多啤梨放題,暑假去就要記得喺8萬朵向日葵組成嘅花海影相打卡啦~

大阪 收獲之丘 水豚君

 

第二站:環球影城 Universal Studio

無論你係咪哈利波特迷都要去玩3D「哈利波特禁忌之旅」!4K高畫質令你唔使戴3D眼鏡都有喺魔法世界親歷其景嘅感覺,好似做咗哈利波特同學咁~太青春啦!

harrypotter 環球影城 大阪

Minion 粉絲更加要去迷你兵樂園~玩全長25分鐘嘅過山車,同埋瘋狂影相!Banana!

去環球影城記得下載官方應用程式,你可以即時睇到各個機動遊戲嘅等候時間,等你用最短時間玩最多遊戲~

 

第三站:街頭 Go-Kart 

雖然依家無得着Mario 衫,但有更加得意抵死嘅cosplay 服裝!只要持有呢啲類別嘅汽車駕照,就可以揸住佢周圍去兜風睇大阪名勝。對於平時喺香港少揸車嘅人,可以喺馬路揸Go-Kart 真係好刺激㗎~

Go-Kart 大阪 揸車

機動遊戲Go-Kart 保唔保?

醒目嘅你,出發之前梗係會買旅遊保險啦~你可能會問,旅行去滑草、玩過山車同Go-Kart,旅遊保險有冇得保㗎?

原來機動遊戲並唔算高危活動,喺做足安全措施下玩機動遊戲發生意外,保險公司一般都會納入受保範圍,按你購買旅遊保嘅傷亡意外條款賠償。

而通常大型主題樂園都會投保第三者保險,Go-Kart 都唔例外。如果發生意外受傷,事主或者家屬亦可以申請賠償㗎。

如果買咗飛但因為天氣關係設施要關閉,旅遊保險嘅取消或更改行程保障就可以賠償你嘅損失喇。

如果喺揸車期間遇到交通意外,多數旅遊保險都保障為租用車輛承擔嘅汽車保險自負額,一般由$3,000港元到$10,000港元不等。但係要留意租車自負額嘅所需要求,例如受保人一定要係租借合約內嘅指定駕駛者等等,違反任何一項,都有機會不受保。

所以行程有安排呢類型活動嘅你,有YAS 幫你清楚列明同比較有關條款就最方便喇。