【YAS醒目旅行貼士】小心駛得萬年船—自駕遊篇

日本 自駕遊 租車 還車 長途車

香港四通八達,交通對於香港人嚟講絕對唔喺件難事,去邊都好方便。但喺去到外國旅行,人生路不熟,地方又大,自然就想自駕遊,一嚟唔洗搵交通,二嚟又靈活好多,三嚟又會有私人空間。

部份去旅行自駕遊嘅朋友,自考完車牌後,都冇機會喺香港揸車,係外國揸車壓力就會大大增加。YAS醒你4個小貼士,咁就唔會變成馬路炸彈!

自駕遊 副駕 租車 還車 長途車

1.行程不應太緊密

雖然去旅行梗係想去多啲地方,睇多啲靚景,食多啲好西,但係將行程塞得太滿,連開幾個鐘車都唔休息,就會大大影響駕駛質素,更有可能導致交通意外。自駕遊應最好有2個司機輪流駕駛,必要時停喺休息站稍作休息,唔好樂極生悲呀!

2.租車前應檢查車身

無論去邊一個國家,喺租車前都要仔細檢查車身,特別喺四邊角位,防撞欄,車頭燈等位置有冇花痕或者損壞,若果有的話記得要即時提出,畀公司做番個記錄。即使冇明顯損壞,都記得要影低車身,萬一有起事上嚟,都有番一個保障。

3.應檢查車內GPS系統
自駕遊 朋友 GPS

好多人都只會留意車身,馬力,安全等等嘅問題,但係車內GPS系統都非常重要。租車前應測試GPS係咪運作正常,可以輸入地點,電話,MAPCODE等資訊,檢查清楚定位係咪正常。人在外地,GPS就喺你自駕遊嘅好朋友,冇咗佢就麻煩啦!

4.行駛危險路線應加保

一般旅遊保險唔一定保障自駕遊發生嘅意外。租車前應該先了解租車合約內有冇包含意外同第三者保險,並了解清楚保險嘅條款細則。假若你喺雪藏牌或者自駕遊新手,駕駛路線又會帶有一定危險性,就記得喺出發前加保,買個安心呀!